من طرف الموضوع دا عباره عن ان كل واحد هيكتب اغنيه كان بيسمعها زمان غلط ويكتب الصح بتاعها ..زى كده ::
انا كنت بسمع محمد منير بيقول شجر المسترح
واقول هو فيه شجر اسمه المسترح ؟
دا بيستريحو عليه ولا ايه ؟
وفى الاخر عرفت انها (شجر الموز طرح ) ههههههههههههه
وفى اغنيه لمحمد منير برضه بتاعة صوتك
دى بقى كنت بسمعها كلها غلط فى غلط
صوتك وسط القلوب انا بعرفوا .. الالوف
صوتك مفيش اى شعب يقدر حبيبتى يوصفوا .. شعر
وكنت بسمع اغنية تامر مشتاق ايه
مشتاق ايه يا ابو شوق ما تروق ما تصحصح حبة وفوق انت قابلت الخير في السوق دلوقتي تعذب دوق
بالسوء
(واقول طب والخير بنقابله فين )
ومن ساعتها وانا عرفت ان مستقبلى فى الطرش باهر
يلا كل واحد يدخل يقول الاغانى الى كان بيسمعها غلط والصح بتاعها
شفتوا الحول في الودان ؟
يللا نشوف مين تاني كان احول في ودانه زمان
يلا اشجوني اشجوني
طبعااااااااا منقوووووووووول
