من طرف الشباب دول حاجة صعبة
حقيقـي.. حاجة صعبة .. مش ممكن أبداً
ح تعرفـوا ليه دلوقتـي
لو عاملتيه حلو يقوللك واقعة فى هوايا
ولو معبرتيهوش يقول عليكي مغرورة ومناخيرك في السما
لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر ( قصدي نصيحة !! ) .. هيقول بخاف عليكي
هههههههه
لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فدة غصب عنه.. اضطر
ههههههه
لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء
لو جرحتيه تبقى قاسية ومعندكيش قلب
اما لو جرحك يقولك انتي حساسة اوي ومكبرة الموضوع وهوّ مايستاهلش؟؟
لو قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش هيقول انك انانية
معلشى طبعا يا شباب هنا
بس الكلام صحيح
